సుబ్రహ్మణస్వామిని ఆరాధిస్తే కలిగే లాభాలు,Benefits Of Worshipping Subramanya Swamy

దక్షిణభారతదేశంలోని ప్రజలు కుమారస్వామి పట్ల చూపే అభిమానం చాలా ఎక్కువగా  ఉంటుంది .తమిళనాడురాష్ట్రం లోకుమారస్వామిని  మురుగన్ అంటూ ముద్దుగా పిలుచుకుంటారు.  తెలుగునాట సుబ్రహ్మణ్యేశ్వరుడు అంటూ భక్తితో తలుచుకున్నా కూడా  ఆ షణ్ముఖునికే  చెళుతుంది .

విజయాలకు

కుమారస్వామి రెల్లుపొదలలో జన్మించాడన్న  విషయం మనకు  తెలుసు .  రెల్లుగడ్డిని ‘శరం’ అని కూడా  పిలుస్తారు కాబట్టి ఆయనకు శరవణ అనే పేరు వచ్చింది  . ‘శరం’ అన్న పదానికి బాణం అని  అర్థం కూడా  వస్తుంది . శివుని సేనలకు నాయకునిగా మరియు  ప్రతి యుద్ధంలోనూ ఆయనకు విజయాన్ని సాధించిపెట్టే యోధునిగా కూడా  కుమారస్వామిని పేర్కొంటారు. అందుకే శత్రుభయం ఉన్నవారు, కోర్టులావాదేవీలతో సతమతం అవుతున్నవారు, సమస్యల సుడిగుండంలో చిక్కుకున్నవారు ఆ స్వామిని కొలిస్తే వారికీ  ఎలాంటి పీడ నుంచైనా తప్పక విముక్తులవుతారు

సుబ్రహ్మణస్వామిని ఆరాధిస్తే కలిగే లాభాలు,Benefits Of Worshipping Subramanya Swamy

సంతానానికి –

పార్వతీపరమేశ్వరులని ఈ సృష్టిలో ఆదిదంపతులకి చిహ్నంగా పేర్కొంటారు. వారి యొక్క  తనయుడు కాబట్టి సుబ్రహ్మణ్యుని ‘కుమార’ స్వామిగా పేర్కొంటూ ఉంటారు. ఆ స్వామి అనుగ్రహం లభిస్తే సంతానం కలుగుతుందనే నమ్మకము  కూడా  ఉంది .

జ్ఞానానికి – 

సుబ్రహ్మణ్యుడు అంటే జ్ఞానాన్ని ఇష్టపడేవాడు అన్న అర్థం కూడా వస్తుంది.   పరమేశ్వరుని యొక్క  దయతో, ఆ బ్రహ్మని సైతం ఓడించగల మేథస్సు కుమారస్వామికి  ఉన్నదని  చెబుతారు. ఇక ఆయన చేతిలో శూలం ఉంటుంది కాబట్టి ఆయనను వేలాయుధన్ అని కూడా పిలవడం  జరుగుతుంది . ఆ  శూలం పదునైనా ఆయుధానికే కాదు, సునిశితమైన బుద్ధికి కూడా ప్రతీక. కాబట్టి పిల్లలకు చక్కగా చదువు  రావాలి అన్నా , తెలివితేటలతో మెలగాలన్నా ఆ స్వామిని కొలవమని చెపుతారు .

సుబ్రహ్మణస్వామిని ఆరాధిస్తే కలిగే లాభాలు,Benefits Of Worshipping Subramanya Swamy

ఆధ్మాత్మిక ఉన్నతికి – 

శివుని తేజం రేతస్సుగా మారి గంగానదిలో పడింది , అది ఆరుభాగాలుగా మారి కుమారస్వామి జననం జరిగింది  అని  చెబుతారు . ఆ ఆరు భాగాలనూ ఆరుగురు కృత్తికలనే అక్కచెళ్లెళ్లు పెంచారు.   అందుకనే కుమారస్వామిని ‘షణ్ముఖుడు’ అని  కూడా అంటారు . అయితే ఈ కథ వెనుక ఒక ఆధ్యాత్మిక తత్వం కూడా ఉందని చెబుతారు . ఆరు అనే సంఖ్య ఆరు దిక్కులకు (తూర్పు, పడమర, దక్షిణం, ఉత్తరం, ఊర్థ్వం, పాతాళం) సూచిస్తుంది . పురుష శక్తికి, స్త్రీ శక్తికి చిహ్నంగా నిలిచే రెండు త్రికోణాల కలయికలో కూడా ఆరు కోణాలు  మంకు కనిపిస్తాయి. ఇలా రెండు త్రికోణాలు కలిసిన షట్కోణం గుర్తుని హిందువులతో పాటుగా క్రైస్తవులు, బౌద్ధులు, యూదులు కూడా పవిత్ర చిహ్నంగా భావిస్తుంటారు. ఆ పవిత్ర సంఖ్యకు, పవిత్ర చిహ్నానికి ప్రతీకగా షణ్ముఖుని  చూడవచ్చును.

యోగసాధనకు – 

కుమారస్వామిని సర్పరూపంలో ఆరాధించడం వెనుక కూడా ఒక ఆంతర్యం కూడా  కనిపిస్తుంది. మనలో నిద్రాణంగా ఉన్న కుండలినిని సర్పంతో పోలుస్తూ ఉంటారు. ఆ కుండలి జాగృతం అయిన రోజున, మనిషి ఈ విశ్వమే తానన్న సత్యాన్ని గ్రహించగలుగుతాడు. అందకే కుండలిని మేల్కొల్పడం అన్నది మన యోగశాస్త్రపు అంతిమలక్ష్యంగా  కూడా కనిపిస్తుంది. ఆ లక్ష్యానికి తోడ్పాటుని అందించేలా నిత్యం సర్పం రూపంలో సుబ్రహ్మణ్యేశ్వర స్వామి  ని కొలిచే ఆచారం మొదలై ఉండవచ్చును.

జాతక దోషనివారణకు –

 వివాహం, సంసారం మరియు  సంతానం వంటి యోగాలకు కుజగ్రహం అనుకూలంగా ఉండాలన్నది జ్యోతిషుల మాట! ఆ కుజగ్రహంలో కనుక దోషాలు ఉంటే వివాహజీవితంలో ఒడిదొడుకులు వచ్చే అవకాశం ఉందని  కూడా చెబుతూ ఉంటారు. సుబ్రమ్మణ్యేశ్వర స్వామి  ని కనుక పూజిస్తే ఎటువంటి కుజదోషానికైనా పరిష్కారం లభిస్తుందన్నది తరతరాల నుంచి ఒక  నమ్మకము .

Tags: lord subramanya swamy,subramanya swamy,subramanya swamy pooja,subramanya swamy pooja vidhanam,subramanya swamy pooja benefits,subramanya swamy songs,subramanya,subramanya swamy pooja for children,subramanya swamy pooja telugu,subramanya swamy pooja for pregnancy,subramanya swamy pooja ela cheyali,benefits of worshipping lord subramanya,sri subramanya swamy songs,mopidevi subramanya swamy temple,subramanya swami,subramanya swamy pooja for marriage