Bellam Kobbari Undalu: బెల్లం కొబ్బరి ఉండలు ఆరోగ్యానికి చాలా మంచివి వీటిని ఇలా తయారు చేసుకొండి
Bellam Kobbari Undalu : మనం కొబ్బరిని వివిధ రకాల వంటకాల తయారీకి ఉపయోగిస్తాము. కొబ్బరిని పచ్చిగా తీసుకోవడం వల్ల శరీరానికి మేలు జరుగుతుంది. పచ్చి కొబ్బరిలో మన శరీరానికి అవసరమైన అనేక రకాల పోషకాలు ఉన్నాయి. పచ్చి కొబ్బరి మన గుండె ఆరోగ్యాన్ని కాపాడుతుంది, అదే సమయంలో బరువును తగ్గిస్తుంది మరియు జీర్ణక్రియను మెరుగుపరచడంలో సహాయపడుతుంది. మేము చాలా రుచికరమైన కొబ్బరి చట్నీ, కొబ్బరి పచ్చడి అలాగే కొబ్బరి అన్నం చేస్తాము. అదనంగా పచ్చి కొబ్బరిని ఉపయోగించి స్వీట్లను కూడా తయారు చేస్తాము. పచ్చి కొబ్బరి నుండి తయారు చేయగల స్వీట్లలో కొబ్బరి ఉండలు ఒకటి. ఈ కొబ్బరి ఉండలు రుచిగా ఉంటాయి. వాటిని సిద్ధం చేయడం కూడా సులభం. ఈ కొబ్బరి ఉండలను తయారు చేయడానికి బెల్లం ఉపయోగిస్తాము, అంటే అవి ఆరోగ్యానికి కూడా మంచివి.
బెల్లం కొబ్బరి ఉండ‌ల తయారీకి కావలసిన పదార్థాలు:-
కొబ్బరి- 1 (మీడియం సైజు)
తురిమిన బెల్లం- ఒక కప్పు,
నెయ్యి -ఒకటిన్నర టీస్పూన్
జీడిపప్పు- తగినంత,
నీరు- 20ml
యాలకుల పొడి – అర టీస్పూన్.
Bellam Kobbari Undalu: బెల్లం కొబ్బరి ఉండలు ఆరోగ్యానికి చాలా మంచివి వీటిని ఇలా తయారు చేసుకొండి
బెల్లం కొబ్బరి ఉండలు తయారు చేసే విధానం..
ఒక కొబ్బ‌రికాయ‌ను ప‌గ‌ల కొట్టి అందులో నుండి పచ్చి కొబ్బరిని తీసి దానిని ముక్క‌లుగా చేసి జార్ లో వేసి మిక్సీ ప‌ట్టుకోవాలి లేదా ఆ కొబ్బరిని తురుముకోవాలి. త‌రువాత ఒక క‌డాయిలో అర టీ స్పూన్ నెయ్యిని వేసి జీడిప‌ప‌ప్పును వేసి ఎర్ర‌గా అయ్యే వరకు వేయించి ఒక ప్లేట్ లోకి తీసుకుని ప‌క్క‌న పెట్టుకోవాలి. త‌రువాత అదే క‌డాయిలో నెయ్యి వేసి ముందుగా తయారు చేసిన పెట్టుకున్న పచ్చి కొబ్బరి తురుమును వేసి బాగా వేయించుకోవాలి. కొబ్బరి తురుము వేగిన త‌రువాత బెల్లం తురుమును వేసి బెల్లం క‌రిగే వరకు తిప్పుతూ ఉండాలి. బెల్లం క‌రిగి లేత పాకం వ‌చ్చే వరకు ఉడికించాలి.
ఇలా ఉడికిన తర్వాత యాలకుల పొడి వేసి కలపాలి. తర్వాత వేస్ట‌వ్ ఆఫ్ చేసి గోరు వెచ్చగా ఉండే వరకు నిల్వ చేసుకోవాలి. మిశ్రమం వేడిగా ఉన్నప్పుడు మీ చేతులకు నెయ్యి రాసుకొండి. మీకు కావలసిన సైజు ఉండలను తయారు చేసుకోండి. జీడిపప్పు వేసి కూడా అలంకరించుకోవచ్చు.
ఇలా చేయడం వల్ల ఎంతో రుచిగా ఉండే బెల్లం కొబ్బరి ఉండలు త‌యార‌వుతాయి.గాలి చొరబడని డబ్బాలో ఉంచితే వాటిని 12-15 రోజుల వరకు తాజాగా ఉంచవచ్చు. రోజూ ఈ బెల్లం కొబ్బరి ఉండలు ఒకటి తింటే శరీరానికి ఎంతో మేలు చేస్తుంది. ఇందులో చాలా పోషకాలు ఉన్నాయి. శరీరం దృఢంగా తయారవుతుంది.