Capsicum Rice:అనేక ప్రయోజనాలు కలిగిన క్యాప్సికమ్ రైస్ను ఇలా చేయండి
Capsicum Rice: మనకు అందుబాటులో ఉండే కూరగాయలలో క్యాప్సికమ్ కూడా ఒకటి. ఇది మూడు రంగులలో ఉంటాయి . మొదటిది ఆకుపచ్చ, మరొకటి ఎరుపు మరియు చివరిది పసుపు. రంగులో ఉండే మూడు క్యాప్సికమ్‌లు మనకు అనేక రకాల ప్రయోజనాలను అందిస్తాయి. గ్రీన్ క్యాప్సికంలో విటమిన్ సి పుష్కలంగా ఉంటుంది. ఇది రోగనిరోధక శక్తిని మెరుగుపరుస్తుంది. రెడ్ క్యాప్సికంలో విటమిన్ ఎ అధికంగా ఉంటుంది. ఇది కంటి చూపును మెరుగుపరుస్తుంది. పసుపు క్యాప్సికమ్‌లో ఫోలేట్, కాపర్ మరియు పొటాషియం అధికంగా ఉంటాయి. ఇవి గర్భిణీ స్త్రీలతో పాటు పురుషులకు కూడా మేలు చేస్తాయి. అందువల్ల మనం ఒక్కో కలర్ క్యాప్సికమ్తో వివిధ రకాల ప్రయోజనాలను పొందవచ్చు. ఇది ఈ మూడింటి నుండి మనకు ఆరోగ్య ప్రయోజనాలను అందిస్తుంది. ఈ మూడు పదార్థాలను కలుపుకుని అన్నంలోకి తీసుకుంటే మూడింటితో పాటు పౌష్టికాహారంతో పాటు రుచి ఆరోగ్యం కూడా లభిస్తుంది. క్యాప్సికమ్ రైస్ను ఎలా తయారు చేయాలి .దానికి తయారీకి కావలసిన పదార్థాల గురించి తెలుసుకుందాం.
క్యాప్సికమ్ రైస్ తయారీకి కావలసిన పదార్థాలు:-
ఎరుపు, పసుపు మరియు ఆకుపచ్చ క్యాప్సికమ్‌లు – ఒక్కొక్కటి
బియ్యం – ఒక కప్పు (పెద్దది)
పచ్చిమిర్చి- మూడు
నువ్వుల నూనె-పావు కప్పు
వెల్లుల్లి రెబ్బలు- 5 లేదా 6
మిరియాలు – 1/2 టీస్పూన్
జీడిపప్పు – 5
గరం మసాలా- ఒక టీస్పూన్
జీలకర్ర 1-స్పూను
స్వీట్ కార్న్- పావు కప్పు
ఉప్పు- తగినంత
Capsicum Rice:అనేక ప్రయోజనాలు కలిగిన క్యాప్సికమ్ రైస్ను ఇలా చేయండి
క్యాప్సికమ్ రైస్ తయారు చేసే విధానము :-
ముందుగా ఒక గిన్నెలో బియ్యాన్ని తీసుకొవాలి.వాటికి తగినన్ని నీళ్లు పోసి శుభ్రంగా కడగాలి . కుక్క‌ర్‌లో అలా కడిగిన బియ్యానికి ఒక‌టిన్న‌ర కప్పు నీళ్లు పోసి మూత పెట్టుకోవాలి.ఇప్పుడు స్టవ్ ఆన్ చేసి దాని మీద కుక్క‌ర్‌ను పెట్టి మూడు విజిల్స్ వ‌చ్చే వరకు ఉడికించుకోవాలి. ఒక మిక్సీ జార్లో వెల్లుల్లి రెబ్బలు,జీడిపప్పు ,మిరియాలు వేసి వాటికి తగినన్ని నీళ్లు చ‌ల్లుకుంటూ మెత్త‌ని పేస్టులా చేసుకోవాలి.ఇప్పుడు క్యాప్సికమ్, ఉల్లిపాయ‌లు, ప‌చ్చిమిర్చిని ముక్క‌ల్లా కోసి పక్కన పెట్టుకోవాలి.
ఇప్పుడు స్టవ్ మీద ఒక కడాయి పెట్టి దానిలో నూనె వేసి వేడి చేయాలి.నూనె వేడి అయ్యాక జీలకర్ర వేసి వేయించాలి.ఇవివేగాక జీడిపప్పు మిశ్ర‌మం, ఉల్లిపాయ, ప‌చ్చి మిర్చి ముక్క‌లు, క్యాప్సికమ్, స్వీట్ కార్న్ వేసి బాగా వేయించుకోవాలి. ప‌చ్చి వాస‌న పోయే వరకు క్యాప్సిక‌మ్‌ను వేయించి ముందుగా ఉడికించి పెట్టుకున్న అన్నం వేసి బాగా క‌ల‌పాలి.దీనికి తగినంత ఉప్పు, గరం మసాలా వేసి బాగా కలుపుకోవాలి.ఈ విధముగా రుచికరమైన క్యాప్సికమ్ రైస్ తయారు అవుతుంది. దీన్ని నేరుగా లేదా ట‌మాటా చ‌ట్నీతో తిన‌వ‌చ్చును.ఇది చాలా రుచిగా ఉంటుంది.
