ఉదయాన్నే చేయవల్సిన పనులు
ఉదయాన్నే లేస్తే మంచిదని తెల్లారేదాకా నిద్రపోని వాళ్లకు కూడా తెలుసు. కానీ లేవలేరు. అలాంటి వాళ్ళు జీవితంలో కూడా పెద్ద ఎత్తుకు లేవలేరు. ఇంకొందరు మేలుకుంటారు కాని పక్కమిదే అరగంటకు పైగా మెదులుతుంటారు. అతి కష్టంగా లేచి గంటసేపు పొద్దున్నే లేచామని గర్వంగా ఫీల్ అవుతుంటారు తప్ప ఏమి వారు చెయ్యరు. చాలా మంది ఉదయం నిద్రలేవగానే ముందుగా ఫోన్ కూడా చెక్ చేస్తారు. సోషల్ మీడియాలో ఏం పోస్టులు వచ్చాయో చూసుకుంటారు. ఆ తరువాత తమ తమ కార్యక్రమాలను కూడా ప్రారంభిస్తారు.
ఇలా చేస్తే… మన బతుకులు తెల్లారినట్టే అని నిపుణులు చెప్తున్నారు. మరి ‘డే’ని,జీవితాన్ని ఫ్రూట్ ఫుల్ గా మలుచుకోవడం ఎలా?
- నిత్యం ఉదయాన్నే నిద్రలేవగానే కింద తెలిపిన విధంగా కార్యక్రమాలు ప్రారంభించాలి. దీంతో ఆరోగ్యవంతమైన జీవితం మన సొంతమవుతుంది. అలాగే రోజూ ఉత్సాహంగా కూడా ఉంటారు.
- ఉదయం నిద్ర లేవగానే ఫోన్లు, ఇతర ఎలక్ట్రానిక్ గ్యాడ్జెట్లకు దూరంగా ఉండాలి. ఇవి మన మూడ్ను చాలా మారుస్తాయి. కనుక ఉదయం వాటిని మనం ఉపయోగించకూడదు.
- నిద్రలేవగానే కొన్ని నిమిషాల పాటు నిశ్శబ్దంగా కళ్లు మూసుకుని కూర్చొని, ఊపిరి బాగా లోపలికి పీల్చుకుని వదిలితే ఈ అలవాటు శ్వాసక్రియ మీ మూడ్ను ఉత్సాహంగా ఉంచుతుంది.
- నిద్రలేవగానే ఇంట్లో అందరికీ, కుదిరితే ఇరుగు పొరుగున ఉండే వారికి గుడ్ మార్నింగ్ చెప్పండి. మీ మూడ్ను ఉత్సాహంగా కూడా మారుస్తుంది.
- నిద్రలేవగానే ఏదైనా ఒక జోక్ చదవండి. తరువాత మీ ముఖాన్ని అద్దంలో 20 సెకన్ల పాటు చూసుకుని కూడా నవ్వుకోండి.
- రిలాక్సేషన్ కోసం నిద్రలేవగానే చాలా మంది టీ లేదా కాఫీ తాగుతారు. వీటికన్నా నిమ్మకాయ నీళ్లు లేదా మంచినీళ్లు తాగితే చాలా మంచిది. దీంతో శరీరంలో ఉండే వ్యర్థాలు బయటకి పోయి, శరీరం డిటాక్స్ కూడా అవుతుంది.
- ప్రతీ రోజు నిద్రలేచే సమయం కన్నా మరో గంట ముందుగా నిద్రలేచే అలవాటు కూడా చేసుకోండి. ఉదయాన్నే మేల్కోవడం వల్ల ఆరోగ్యానికి ఒక మంచి అలవాటు అలవడుతుంది.
- పండ్లలో ఉండే న్యూట్రీషిన్స్, ప్రోటీన్స్ వ్యాధి నిరోధకతను పెంచి, శరీరాన్ని స్ట్రాంగ్గా, ఫిట్ గా కూడా ఉంచుతాయి. మనకు శక్తిని కూడా ఇస్తాయి. ముఖ్యంగా పండ్లను ఉదయం తీసుకుంటే ఆ రోజంతా మిమ్మల్ని మంచి యాక్టివ్గా ఉంచుతాయి.
- నిద్ర లేచిన తర్వాత వ్యాయామం చేయడం అలవాటు లేకపోతే, అలవరుచుకోండి.
- రోజు హాయిగా ఉండడానికి ఉదయం పూట మీకు నచ్చిన సంగీతాన్ని చాలా తక్కువ సౌండ్తో వినండి. సంగీతం మనలో చైతన్యం కూడా పెంచుతుంది. అంతేకాకుండా మన మూడ్ రొటీన్గా ఉండకుండా సంగీతం సాయం చేస్తుంది.